27 июл 09:44
Янгиликлар

Каратэ

Япониялик мутасаддилар билан юртимизда каратэни ривожлантириш масалалари муҳокама қилинди

Хабарингиз бор, Ўзбекистон Миллий олимпия қўмитаси юритаётган сиёсатга кўра халқаро алоқаларни мустаҳкамлашга алоҳида эътибор қаратилган.

Бу борада юртимиздаги спорт федерацияларига ҳам тегишли топшириқлар берилган.

Ҳамкорлик алоқалари кучайтириш, ўзаро дўстлик ришталарини мустаҳкамлаш йўлида Ўзбекистон каратэ Миллий федерацияси раҳбарияти Япония халқаро алоқалар агентлиги (JIKA)нинг Ўзбекистондаги ваколатхонаси раҳбари Такасака Мунэо, шунингдек, кўнгиллилар билан ишлаш бўлими бошлиғи Кабидате Бунсэи билан учрашув ўтказди.

Учрашув давомида томонлар мамлакатимизда каратэни ривожлантириш йўлида бир қатор масалаларни муҳокама қилишди. Ундан ташқари, каратэ йўналишларини Олимпия байроғи остида бирлаштириш борасида келишиб олинди.