17 июл 07:58
Янгиликлар
Бокс/ММА
Япониялик спортчи UFC чемпионлиги учун жанг қилиши мумкин
9 ноябрь куни АҚШнинг Нью-Йорк штатида UFC 309 турнири ўтказилади.
Аввалроқ, ушбу турнирнинг марказий жанги оғир вазн тоифаси чемпиони Жон Жонс ва даъвогар Стипе Миочич ўртасида ўтказилиши мумкинлиги ҳақида хабар берган эдик.
Хориж ОАВларининг маълум қилишича, турнир учун яна бир чемпионлик жангини ташкил этиш режалаштирилмоқда. Ўта енгил вазн чемпиони, бразилиялик Алехандре Пантойя UFC 309 турнирида октагонга қайтиши мумкин. Аҳамиятлиси, унга бу сафар япониялик Татсуро Тайра рақиблик қилиши кутилмоқда.
Тайра айни дамда UFC рейтингида бешинчи ўринни эгаллаб турибди. У сўнгги жангини 15 июнь куни Алекс Пересга қарши ўтказиб, муддатидан олдин зафар қучган эди. Алехандре Пантойя эса охирги бор 4 май куни Стив Эрцег билан жанг қилиб, очколар ҳисобига кўра зафар қучганди.
Ҳавола :
Манба : MainCard
Фикрлар