12 янв 17:47
Янгиликлар

Спорт курашлари

Yasar Dogu-2020. Олимпиадани нақд қилган Ҳасанбойда бронза + ФОТО

Туркиянинг Истанбул шаҳрида эркин кураш бўйича "Yasar Dogu-2020" анъанавий халқаро турнири бўлиб ўтмоқда.

Ҳозиргина -125 кг вазн тоифасида юртимиз спорт шарафини ҳимоя қилган эркин курашчимиз Ҳасанбой Раҳимов бронза медалини қўлга киритди. У бронза медали учун кечган беллашувда туркиялик полвон Ҳусайн Живелекни мағлубиятга учратди.

Маълумот учун, Ҳасанбой Раҳимов ўтган йили Қозоғистоннинг Нур-Султан шаҳрида ўтган жаҳон чемпионатида Токио-2020 Олимпиадаси йўлланмасини қўлга киритган эди. Кечаги баҳсларда эса эркин курашчиларимиздан Иляс Бекбулатов (-70 кг) олтин, Ғуломжон Абдуллаев (-57 кг) кумуш, тажрибали Магомед Ибрагимов (-97 кг) эса бронза медали соҳибига айланганди.