21 фев 14:27
Янгиликлар

Бокс/ММА

Яхши хабар: Боксчимиз камар учун рингга кўтарилади

Боксчимиз Мирзакамол Неъматов 26 февраль куни Москва шаҳрида 40 ёшли мезбон спортчи Марат Хузеев (20-17-1)га қарши рингга чиқадиган бўлди.

Эътиборлиси, ушбу жанг WPBF Intercontinental камари учун ташкил этилади.

"Дуо қилиб туринглар, Худо хоҳласа, шу камарни она Ватанимга олиб бораман", - дея пост қолдирган Неъматов Инстаграм саҳифасида.

Бокс оқшомини Россиянинг "Спортивный" телеканали трансляция қилади. Жанглар Тошкент вақти билан 19:00 да бошланади.

Xузеев фаолияти давомида Шоҳжаҳон Эргашевнинг сўнгги рақиби Дмитрий Милиуша билан ҳам жанг қилган.

Маълумот учун, 23 ёшли ҳамюртимиз проф боксда 3 та жанг ўтказган ва барчасида ғалаба қозонган. Охирги жанги 29 январь куни Гуэрин Соҳ Фонкога қарши бўлиб ўтганди.