27 фев 14:48
Янгиликлар

Паралимпия, Милан-Кортина-2026

Яхши хабар: Ўзбекистон 8 йиллик танаффусдан кейин қишки Паралимпия ўйинларига йўлланмаларни қўлга киритди!

Бу ҳақда Ўзбекистон Миллий Паралимпия қўмитаси матбуот хизмати хабар берди.

"Ўзбекистон делегацияси Италиянинг Милан ва Кортина-д'Ампетсо шаҳарларида бўлиб ўтадиган XIV Қишки Паралимпия ўйинларига 2 та йўлланмани қўлга киритди.

Пара тоғ чанғиси бўйича Ўзбекистон миллий терма жамоаси аъзолари — Юлдуз Махмудова ҳамда Фирдавс Худоятов Паралимпия ўйинлари йўлланмаларига сазовор бўлишди.

Спортчиларимиз тўрт йилликнинг энг муҳим қишки стартида гигант-слалом дастурида юртимиз шарафини ҳимоя қиладилар.

Маълумот учун, XIV Қишки Паралимпия ўйинлари 2026 йил 6–15 март кунлари Италиянинг Милан ва Кортина-дъАмпетсо шаҳарларида бўлиб ўтади", дейилади ташкилот хабарида.