16 окт 18:46
Янгиликлар

Бокс/ММА

Яхши хабар: Ўзбекистонлик ММАчи UFC 254 турнирининг асосий кардида жанг қилиши мумкин

Ўзбекистонлик ММАчи Лилия Шакирова 24 октябрь куни Абу-Дабида ўтказиладиган UFC 254 турнирида октагонга кўтарилиши мумкин.

Маълум бўлишича, ушбу турнирнинг асосий кардида жанг қиладиган Синтия Калвилйо коронавирусга чалинган. Шу сабабли, Лилия Шакирова унинг ўрнига Лорен Мёрфи билан жанг қилиши мумкин.

Ҳозирча ушбу хабар расман тасдиқланмади. Лекин ижтимоий тармоқлар ва хорижий сайтларда ушбу жанг учун аталган постерлар тарқалмоқда.

Маълумот учун, Лилия Шакирова GFC промоушени чемпиони ҳисобланади.