12 мар 10:09
Янгиликлар

Бокс/ММА

Яхши янгилик! Ҳасанбой Дўсматов WBA вақтинчалик чемпионлик камари учун жанг қилади

17-19 апрель куни Қирғиз Республикасининг Бишкек шаҳрида Saikoulush Boxing промоутерлик компанияси томонидан проф бокс оқшоми ўтказилади.

Биз учун аҳамиятлиси, мусобақа доирасида ўзбекистонлик икки карра Олимпия ўйинлари ғолиби Ҳасанбой Дўсматов рингга кўтарилади. Унга ўша куни пуэрто-риколик Жонатан Гонсалес рақиблик қилади.

Эътиборлиси, жанг ўта енгил вазн тоифасида WBA йўналиши бўйича вақтинчалик чемпионлик камари (Interim) учун ўтказилади. Гонсалес камарнинг амалдаги соҳиби ҳисобланади. Дўсматов эса WBA рейтингида олтинчи ўринни эгаллаб турибди.

Маълумот учун, Ҳасанбой Дўсматов проф фаолияти давомида ҳозиргача 7 та жанг ўтказиб, барчасида ғалаба қозонган. Жонатан Гонсалес ҳисобида эса 29 та ғалаба ва 4 та мағлубият мавжуд.