Йен Гэрри навбатдаги рақибини маълум қилди: "Фақат битта жанг мантиққа эга!"

Агар Ислам навбатдаги жангида UFC ярим ўрта вазн тоифасидаги чемпионлик камарини Карлос Пратесга қарши ҳимоя қилса, Йен Мачадо Гэрри мағлубият нималигини билмай келаёттан Майкл Моралес билан октагонда тўқнаш келишни мантиқий деб ҳисоблайди.

"Мен учун ҳозир фақат битта жанг мантиқий – бу Майкл Моралес билан бўладиган жанг! Мен уни мағлуб этсам, Ислам билан яқиндагина жанг қилган бўлсак ҳам, айнан мен чемпионлик жангига лойиқ ягона даъвогарга айланаман.

Ислам ёки Карлос Пратес навбатдаги жангда ким ғалаба қозонишидан қатъи назар, барибир бу катта реванш бўлади. Агар мен чиқиб, Майкл Моралесни муддатидан олдин мағлуб этсам ва қўлим кўтарилса, менинг яна чемпионлик имкониятига лойиқлигимни инкор этиб бўлмайди. Ўйлайманки, айнан шу жанг навбатдагиси бўлиши керак", — деди ирландиялик жангчи Eze Talks Sports нашрига берган интервьюсида.