Йўғе? Мухлислар Қатардаги меҳмонхоналарда ЖЧ ўйинларини телевизордан томоша қила олишмайди

Чунки улар жойлашадиган муассасалар ўйинларни телевизор орқали намойиш қилиш учун кетадиган маблағни тўлашга тайёр эмас. Томошабинлар мундиаль тўқнашувларини қиммат меҳмонхоналардаги хоналарида қулай ўринларга жойлашган ҳолда жонли кузата олишмайди.

Англиялик мухлислар Жаҳон чемпионатини кўриш учун жами 20 минг фунт сарфлашларига тўғри келади. Бразилия тарафдорлари учун эса у бироз кўпроққа тушади – 26 минг фунт. Лекин ушбу катта миқдордаги маблағ ҳам телевизор орқали кўриш имконини бермайди. 

BeIN Sports телерадиокомпанияси томонидан Доҳа минтақасидаги меҳмонхоналар ва мажмуаларда ўйинларни намойиш этиш учун 24 минг фунт талаб қилинмоқда. Кўплаб муассасалар ушбу тўловни амалга оширишдан бош тортишмоқда. 

Шундай бўлса-да, эфир қоидаларига кўра, телерадиокомпания баъзи ўйинларни бепул кўрсатишга мажбур бўлади.