30 авг 10:51
Янгиликлар

Дзюдо

Ёқимсиз серия давом этади, Хуррамов ҳам ЖЧ билан хайрлашди

Хабар берганимиздек, Япония пойтахти Токио шаҳрида дзюдо бўйича катталар ўртасидаги жаҳон чемпионати давом этмоқда.

Бугунги баҳсларда юртимиз шарафини -100 кг вазн тоифасидаги дзюдочимиз Муҳаммадкарим Хуррамов ҳимоя қилаётган эди. Хуррамов жаҳон чемпионатидаги илк учрашувида исроиллик кучли рақиб Петер Палтчикни мағлубиятга учратганди.

Афсуски, Муҳаммадкарим иккинчи босқичда канадалик Шади Элханасга олтин очко учун кечган баҳсда огоҳлантириш ҳисобига имкониятни бой бериб қўйди. Энди жаҳон чемпионатида биргина вакилимиз қолди. Эртанги беллашувларда Бекмурод Олтибоев курашга киришади.