Ёш боксчиларимиз Беларусдан медаллар билан қайтишди

Турнирда жаҳоннинг 9 мамлакати қаторида ўзбекистонлик ёш чарм қўлқоп усталари ҳам иштирок этишди. 

Мусобақа якунига кўра, уч нафар боксчимиз - Асрорбек Шаҳобиддинов (-48 кг), Айдос Тагабаев (-52 кг) ва Жаҳонгир Зокиров (+80 кг) барча рақибларини мағлуб этган ҳолда, олтин медалга сазовор бўлишди. 

Финалгача етиб борган, аммо жароҳат сабаб ҳал қилувчи баҳсларда қатнаша олмаган Азизбек Тожиев (-63 кг) ва Логин Петров (-70 кг) кумуш медаль билан кифояланишди. -46 кг вазнли Иқбол Қудратов эса финалда мезбон боксчига имкониятни бой бериб, кумуш медаль соҳибига айланди. -66 кг вазнли Алохон Абдуллаев эса бронза медалига эга чиқди.

Қайд этиш лозимки, ушбу турнир октябрь ойида Фужайрада ташкил этиладиган Осиё чемпионати учун тайёргарлик вазифасини бажарди.