Ёш дуатлончилар кўриги

Бугунги кунда юртимизда спортнинг ушбу тури тобора ривожланиб, оммавийлашиб бормоқда. Бу республика, вилоятлар, шаҳар ва туманлар миқёсида ўтказилаётган мусобақалар чоғида ўз исботини топмоқда. Жумладан, Урганч туманидаги Чолиш қўрғонида жойлашган ўқув-машқ спорт майдонида дуатлон бўйича ўтказилган Хоразм вилояти кубогининг 1-босқичи жараёнида ҳам  исботини топди. Унда воҳанинг туман(шаҳар)ларида фаолият юритаётган 15 та ўқув спорт техника клубларининг 60 нафарга яқин спортчиси ўзаро куч синашди.

Эътиборлиси,  мусобақанинг барча йўналишида Қўшкўпир тумани дуатлончилар шоҳсупанинг биринчи поғонасини эгаллашди. Жумладан, 2000-2002 йилларда туғилган қизлар биринчилигида Ҳавожон Раҳимова, ўғил болалар мусобақасида Фаррух Ражабов ғолибликни қўлга киритди.  2003-2003 йилларда туғилган спортчилар беллашувида Ҳамида Озодова ва Диёрбек Ражабов биринчи ўринни эгаллади. 

Шунингдек, катта ёшлилар биринчилигида Асалхон Машарипова(Боғот тумани), Зумрад Ўрозметова, Шавкат Жумабоев(иккаласи Гурлан тумани). Соҳиббек Ражабов(Хонқа тумани) совриндорлар сафидан жой олган бўлишса, кичик ёшли дуатлончилар синовида Зиёда Жумамуратова, Алимардон Умаржонов(Қўшкўпир тумани), Зуҳра Рўзимова(Шовот тумани), (Қўшкўпир тумани) ва Жавоҳир Ражабов( Питнак шаҳри) совринли ўринларни эгаллашди.

Эндиликда, юқори натижа кўрсатган хоразмлик ёш дуатлон усталари Республика мусобақасида иштирок қилишади.

Икром Худойберганов