Ёш дзюдочиларимиз Бремендаги Masters турнирига йўл оляпти

Айни пайтда дзюдочиларимиз Гамбург шаҳрида бўлиб турибди. Деярли 40 йилдан бери анъанавий тарзда ўтказиб келинаётган нуфузли мусобақада Япония, Бразилия, Грузия, Озарбайжон, Қозоғистон, Ўзбекистон каби жами 25 давлатдан 600 нафардан зиёд ёш дзюдочилар татамига чиқади.  

Ўз вақтида Бремен "Мастерс" турнирида Хифуме Абэ, Наохиса Такато, Таканори Нагасэ, Аарон Вольф, Лукаш Крпалек, Диёрбек Ўразбоев сингари Олимпиада чемпиони ва совриндорлари ғолиб бўлган.  

Искандар Расулов бош мураббийлигидаги Ўзбекистон ёшлар терма жамоасининг 8 нафар дзюдочиси Бремен "Мастерс" турнирида юртимиз шарафини ҳимоя қилади. Дарвоқе, Рио-2016 Олимпия ўйинлари совриндори Диёрбек Ўразбоев мураббий сифатида ўзини илк бор синаб кўради. 

Германияга йўл олган дзюдочиларимиз:

-60 кг: Жамол Қўзибоев

-66 кг: Низомиддинхўжа Тошпўлатов 

-66 кг: Замаҳшарий Бекмуродов

-73 кг: Ҳожиакбар Тошев

-81 кг: Мардон Равшанов 

-90 кг: Шаҳзод Шарипов

-90 кг: Алишер Саманов

+100 кг: Фазлиддин Рафиқов 

Мураббийлар: Искандар Расулов, Камол Муродов, Диёрбек Ўразбоев.

Ушбу мусобақа якунига етгач, Бремен турнири қатнашчилари уч кун давомида халқаро ўқув-машғулот йиғинида иштирок этади. 28-30 март кунлари эса халқаро йиғин Германиянинг бошқа бир шаҳри Ганноверга кўчади.