29 окт 19:33
Янгиликлар

Дзюдо

Ёш дзюдочиларимиз халқаро турнирдан медаллар билан қайтишди

Хабар берганимиздек, 25-28 октябрь кунлари Қирғизистон пойтахти Бишкек шаҳрида дзюдо бўйича 2005-2007, 2007-2008, 2009-2010 йилларда туғилган ўғил ва қиз болалар ўртасида “BISHKEK OPEN 2019” халқаро турнири бўлиб ўтди.

Мазкур халқаро мусобақага пухта тайёргарлик кўрган Учкудук шаҳар "Лочин" спорт мажмуаси дзюдочилари кучлилар қаторидан жой олишди.

Мураббийлар Сардор Саттаров ва Алишер Шодмонов қўл остида шуғулланаётган Зариф Зокиров 50 кг вазн тоифасида учинчи, Шаҳбоз Усмонов + 35 кг вазн тоифасида учинчи, Шоҳиназар Исомов 60 кг вазн тоифасида иккинчи, Робия Абдиллаева 36 кг вазнда биринчи ўринни эгаллаб, халқаро турнирдан медаллар шодаси билан қайтишди.