11 дек 20:33
Янгиликлар

Бошқалар

Ёш футболчилар мадҳия яратилган кун муносабати билан Абдулла Орипов номидаги ижод мактабида бўлишди

10 декабрь — Ўзбекистон Республикаси давлат мадҳияси қабул қилинган кун муносабати билан Қашқадарё вилояти футбол академиясининг спортчи-ўқувчилари Қарши шаҳридаги "Абдулла Орипов" номидаги ижод мактабига ташриф буюришди.

Академия ўқувчилари мазкур ижод мактабида Ўзбекистон Республикаси давлат мадҳияси муаллифи, Ўзбекистон Қахрамони Абдулла Ориповнинг ҳаёти ва ижоди билан яқиндан танишишди. Хусусан, спортчи-ўқувчиларга музей ходими томонидан мадҳиянинг яратилиши тарихи ва мазмун-маҳияти ҳақида яқиндан тушунча берди. Шунингдек, ижод мактабидаги музейдан жой олган шоирнинг кўплаб қўлёзма асарларини кўздан кечиришди.

Шавкат РЎЗИЕВ, Қашқадарё вилояти футбол академиясининг маънавият-маърифат ишлари бўйича ўринбосари