Ёш футболчилар Қаршидаги “Қатағон қурбонлари хотираси” музейида бўлишди + ФОТО

Ўқувчилар Туркистон ўлкасида олиб борилган мустамлакачилик сиёсати ва қатағонларни акс эттирувчи ноёб тарихий фотосуратлар, хариталар, ашёлар ва бошқа манбалар билан яқиндан танишишди. 

Шунингдек, спортчи-ўқувчилар мустақиллик йилларида тарихий ҳақиқат ва адолатни тикланиши номли бўлимидаги буюк аждодларимиз ҳаёти, уларнинг бой маънавий мероси мустақиллик даврида хусусан, сўнгги йилларда таълим, тиббиёт, спорт, қишлоқ хўжалиги соҳаларида амалга оширилган ислоҳотлар хусусидаги маълумотларга ҳам эга бу‌лишди. 

Бундан ташқари футбол маҳорати мактаби ўқувчилари музейда ташкил қилинган ёшлар клуби ҳамда кутубхонани ҳам кўздан кечиришди.

Таъкидлаш жоиз, ёш авлодни мустақиллик ва адолат тантанаси учун курашган фидойи ота-боболаримизнинг хотирасига ҳурмат руҳида тарбиялаш, уларнинг кўрсатган жасорати ва ибратли фаолиятлари билан таништириш ёшларнинг маънавияти юксалишига, туғилиб ўсган манзил-маконига меҳр ва муҳаббатли бўлишига хизмат қилади.

Шавкат РЎЗИЕВ, Қашқадарё вилояти болалар-ўсмирлар футбол академиясининг маънавият-маърифат ишлари бўйича директор ўринбосари