Ёш гандболчиларимиз Италияда совриндор бўлишди

Унда дунёнинг 5 та қитъасидан келган 100 га яқин ўсмирлар, ёшлар ва қизлар жамоалари бир нечта ёш тоифасида кубок учун ўзаро беллашди. Мазкур нуфузли мусобақада Ўзбекистон ўсмирлар терма жамоаси ўн саккиз ёшгача бўлган (U-18) гандболчилар биринчилигида қатнашиб, 17 жамоа орасида шоҳсупанинг иккинчи поғонасини банд этди.

Ўзбекистонлик гандболчилар гуруҳ босқичида “Chambery Savoie-В” (Франция), “Omar Abou” (Ливия), “Taichung mun.long-jin” SHS (Хитой Тайпейи), HC “Aix en Savoie” (Франция), ASD “Polisportiva Città Sant'Angelo” (Италия), “Acana Мoto” J.O. (Польша) ва “Crea Еl Harrouch” (Жазоир) жамоаларини мағлубиятга учратган бўлишса, 1/4 финалда Франциянинг “Pays Riolais H”, 1/2 финалда “Chambery Savoie-A” клублари доғда қолдирилди.

Ҳамюртларимиз ҳал қилувчи ўйинда “Virum Sorgenfri” HB (Дания) билан куч синашишди. Ушбу қарама-қаршиликда Европа қитъасининг ўз ёш тоифасида энг кучли гандболчилари ҳисобланган данияликлар вакилларимизни қийинчилик билан енгишди.

Икром ХУДОЙБЕРГАНОВ тайёрлади