12 ноя 10:58
Янгиликлар

Гимнастика

Ёш гимнастикачиларимиз Португалияда ғолиб ва совриндор бўлишди

10-11 ноябрь кунлари Португалиянинг Сангалос шаҳрида бадиий гимнастика бўйича «Atlantic cup» халкаро турнири бўлиб ўтди.

Ушбу мусобақада жаҳоннинг 10 та мамлакатидан ташриф буюрган ёш гимнастикачи қизлар иштирок этишди. Турнирда юртимиз шарафини Осиё Тожиева ва Гулчеҳра Собировалар ҳимоя қилишди.

2013 йилда таваллуд топган спортчилар ўртасидаги баҳсларда иштирок этган Осиё Тожиева олтин медални қўлга киритди. Гулчеҳра Собирова эса ҳалқа билан машқларда олтин, анжомсиз машқларда бронза медалига сазовор бўлди. Қизларимиз 2011 ва ундан кейинги йилларда туғилган спортчилар ўртасидаги кўпкураш баҳсларида бронза медалларига эга чиқдилар.

Шунингдек, мусобақа доирасида Ўзбекистонда хизмат кўрсатган мураббий Зарина Абдуллаева россиялик тажрибали ҳамкасби Неля Муравьева билан биргаликда ёш гимнастикачиларга халқаро ўқув-машғулот йиғинларини ўтказди.