Ёш гимнастикачиларимиз халқаро турнирларда муносиб иштирок этишди

Ушбу мусобақада Навоий шаҳридаги ихтисослаштирилган болалар-ўсмирлар спорт мактаби шуғулланувчилари бўлган 11 нафар ёшларимиз иштирок этиб, уларнинг барчаси ғолиб ва совриндорлар қаторидан жой олишди.

Спортчи қизларимиздан Рўзимуродова Муқаддас, Муҳиддинова Дилнура, Саибова Амира биринчи ўринга, Абдухалилова Шахло, Джуманиёзова Зарнигор, Абдуносирова Шахина, Исакова Маржона иккинчи ўринга лойиқ деб топилган бўлса, Хикматуллаева Малика, Намозова Мадина, Разокова Шахризода, Тўхтаева Шахрина учинчи ўринни эгаллашди.

Гимнастикачиларимиздан яна бир қувончли хабар, 20-21 октябрь кунлари Москва шаҳрида бадиий гимнастика бўйича “Хрустальная статуэтка” очиқ турнири ўтказилди.

Ушбу турли мамлакатлардан ташриф буюрган 200 дан ортиқ ёш спортчи қизлар иштирок этган турнирда Самарқанд вилояти спортнинг гимнастика турларига ихтисослашган болалар ўсмирлар спорт мактаби шуғулланувчилари ҳам муносиб иштирок этиб, 6 та олтин, 1 та кумуш медальни қўлга киритишди.

Ҳамюртларимиздан Регина Ўзбекова, Вилана Савадян, Амина Ғаниева, Амалия Мамедова, Юлдуз Абдуғаниева ва Мусина Маҳмуджоновалар энг юқори натижани қайд этиб олтин медални қўлга киритишган бўлса, София Османова кумуш медаль билан тақдирланди.