29 апр 09:48
Янгиликлар

Каратэ

Ёш каратэчиларимиз Осиё чемпионатида муваффақиятли иштирок этишди

26-28 апрель кунлари Малайзиянинг Кота-Кинабалу шаҳрида каратэ бўйича ўсмирлар ва ёшлар ўртасида Осиё чемпионати бўлиб ўтди.

Мазкур мусобақада иштирок этган этган терма жамоамиз вакиллари ҳам муваффақиятли қатнашдилар. Жамоамизнинг дастлабки медалини кумитэ йўналишида Бону Эгамбердиева қўлга киритганди. Шундан сўнг яна 3 нафар каратэчимиз шоҳсупага кўтарилди.

-60 килограмм вазн тоифасида баҳс олиб борган Бекзод Туйғунов ҳал қилувчи беллашувда Қозоғистон терма жамоаси вакилига имкониятни бой берди. Асилбек Мадаминов ҳамда Фирдавс Аҳмаджонов мусобақанинг бронза медалларига сазовор бўлишди.