Ёш курашчиларимиз қитъа чемпионатида 13 та медаль қўлга киритишди

Қитъа биринчилигида иштирок этган Ўзбекистон ёшлар (U 20) терма жамоаси мусобақани 13 та медаль билан якунлади.

Сўнгги кун дастурида эркин кураш бўйича беллашувлар бўлиб ўтди. Унда бронза медали учун гиламга чиққан Арслан Раҳимов (-61 кг) мўғулистонлик Энхболд Энхбатни 8-2, -92 кг вазндаги Равшанбек Жумабоев эса кореялик Ча Сео Хюнни 10-2 ҳисобида таслим этиб, совриндорлар қаторидан жой олишди. 

Шу тариқа, спорт курашлари бўйича ёшлар терма жамоамиз мусобақани 2 та олтин, 3 та кумуш ва 8 та бронза медаллари билан якунлади. Қизларимиз тарихда илк бор умумжамоа ҳисобида кучли учликдан жой олишди.