Ёш оғир атлетикачиларимиз қитъа чемпионатига жўнаб кетишди

Мазкур нуфузли мусобақада қитъанинг 30 та давлатидан 300 нафар атрофидаги спортчилар иштирок этиш учун шу кунларда Ҳиндистонга етиб боришди.

Бугун, 26 июль куни эрта тонгда қитъа чемпионатининг илк давра баҳсларида ватанимиз шарафини ҳимоя қиладиган оғир атлетика бўйича Ўзбекистон ёшлар ва ўсмирлар терма жамоасининг 20 нафар спортчиси, 3 нафар мураббийси Ҳиндистонга жўнаб кетди.

Иккинчи таркиб - 16 нафар спортчи ва 1 нафардан иборат терма жамоамиз аъзолари 1 август куни чемпионатда қатнашиш учун Ҳиндистонга йўл олади.

Деҳли мусобақаларида супачага кўтариладиган оғир атлетикачиларимиздан Диёрбек Эрматов, Қурбонмурод Номозов, Нигора Сувонова ўсмирлар ўртасида ўтган йили ўтказилган жаҳон чемпионатидаги кўрсаткичларини яхшилаш учун ҳаракат қилса, Хожиакбар Олимов ва Хусинбой Матрасулов ёшлар ўртасидаги аввалги дунё биринчилигида эришган натижаларини мустаҳкамлаш учун кураш олиб боришади.

Ўзбекистон оғир атлетика федерацияси Матбуот хизмати