12 сен 19:01
Янгиликлар

Шахмат

Ёш шахматчиларимизни тантанали кутиб олиш маросимидан ФОТОРЕПОРТАЖ

Ислом Каримов номидаги Тошкент халқаро аэропортида 4-11 сентябрь кунлари Ҳиндистоннинг Деҳли шаҳрида 6 ёшдан 20 ёшгача ўғил ва қиз болалар ўртасида ўтказилган Ғарбий Осиё чемпионати иштирокчиларини кутиб олиш маросими бўлиб ўтди.

Мусобақада Ўзбекистон шарафини 11 нафар шахматчимиз ҳимоя қилди. Улар орасида ФИДЕ тоифасидаги спорт усталари Абдумалик Абдусалимов ва Муҳаммадали Абдураҳмонов ҳамда аёллар ўртасида халқаро тоифадаги спорт устаси Баҳора Абдусатторова ҳам бор эди.

Мусобақа якунида терма жамоамиз аъзолари 3 та олтин, 1 та кумуш ва 4 та бронза медали билан умумжамоа ҳисобида иккинчи ўринни эгаллашди. Тантанали кутиб олиш маросимида федерация вакиллари, кенг жамоатчилик, ота-оналар ҳамда оммавий ахборот воситалари ходимлари жам бўлди.