27 дек 07:48
Янгиликлар

Қишки спорт турлари

Ёш шорт-трекчимиз минтақалараро ўтказилган мусобақада ғолиб бўлди

Аввалроқ Россия Федерациясида доимий машғулот олиб борадиган ёш шорт-трекчиларимиз ҳақида хабар берган эдик.

Улар ўз ёш тоифаларида ўтказилган навбатдаги мусобақада ғалаба қозонишди.

Тверь шаҳрида ўтган “Ёш югурувчи” минтақалараро мусобақасида қатнашган Алимардон Маҳмудов 4 йўналишда ғалаба қозонди. Ёш спортчимиз 222, 333, 500 ва 2000 метр масофаларга кечган баҳсда ўз тенгқурлари орасида (11 ёш) марра чизиғини биринчи бўлиб кесиб ўтди.

Маълумот учун, Алимардоннинг укаси Алишер Маҳмудов ҳам у билан биргаликда машғулот олиб боради. Ёш шорт-трекчиларимизнинг келгуси фаолиятида ҳам уларга омад тилаб қоламиз.