UZ

Сўнгги янгиликлар

14:12Алжамейн Стерлинг Волкановски билан жанг қилиб, икки вазн тоифасида чемпион бўлмоқчи 0 13:00Самбочиларимиз ШҲТ Очиқ турнирини умумжамоа ҳисобида биринчи ўринда якунлашди 0 12:05Ўзбекистон мезбонлик қиладиган U-17 Осиё кубогининг барча иштирокчилари маълум бўлди 0 11:12Жошуа Тайсонни нокаутга учратишга ваъда берди 0 10:24Амирхон Алихўжаев кейинги жангини Хотамбек Бойназаровнинг собиқ рақибига қарши ўтказади 0 09:55Руслан Абдуллаев олтинчи ғалабасини олтинчи раундда қўлга киритди 0 09:33"Манчестер Юнайтед" Почеттинони таклиф қилиш учун қанча тўлагани маълум бўлди 0 08:35Миршоҳид Тиллабоев — WORLD BOXING вице-президенти! 0 07:22Дзюдо. Саъдулла Равшанов жаҳон чемпионатининг кумуш медалига эга чиқди 0 20:05Хоригучи Асу Алмабаевга қарши жанг олдидан ўз устунликларини санаб ўтди 0 19:30Футболчи ҳакамга тош отгани учун 8 йилга дисквалификация қилинди 0 18:47Асламжон Ортиқовнинг Асадулла Имангазалиевга қарши реванш жанги тўлиқ давом этди 0 18:12Олимпия ўйинларида эркаклар боксига ҳимоя шлемлари қайтарилиши мумкин 0 17:05Илия Топурияга UFC'да вазн тоифасини ўзгартириш таклиф қилинди 0 16:16Баходир Жалолов Деонтей Уайлдерга рақиб сифатида таклиф қилинди 0

04 июл 13:16
Янгиликлар

Болалар спорти

Ёш спортчиларнинг севимли маскани

Ўзбекистон мудофаасига кўмаклашувчи “Ватанпарвар” ташкилоти Хоразм вилояти кенгаши тизимидаги ташкилотларда болалар ва оммавий спортга алоҳида эътибор қаратиляпти.

Кенгаш томонидан юртимиз келажаги бўлган ўғил-қизларни элимизга садоқатли, халқимизга меҳр-мурувватли, шунингдек, жисмонан бақувват ва соғлом руҳда вояга етказишдек хайрли ишлар амалга оширилмоқда. 

Бунинг баробарида, вилоятда спортнинг техник ва амалий турларининг оммавийлигига эришиш, ёшлар орасида ушбу спорт турларига бўлган қизиқишини ошириш мақсадида тегишли вазифалар белгиланган. 

Муболаға эмас, вилоят техник ва амалий спорт турлари маркази, воҳанинг шаҳар ва туманларидаги ўқув спорт техника клубларининг фаолияти тубдан яхшиланди. Уларнинг моддий-техника базаси янгиланиб, мустаҳкамланди. Бугунги кунда вилоятда спортнинг техник ва амалий ҳисобланган 11 та - ёзги биатлон, триатлон, дуатлон, пневматик қуролдан ўқ отиш, мотокросс, картинг, парашют спорти, ҳарбий амалий кўпкураш, авиамодель, ракетамодель ва радиоспорт турларини қамраб олган 50 дан зиёд секциялар фаолият кўрсатмоқда. 

Уларда минг нафарга яқин ўғил-қизлар ўзлари меҳр қўйган спорт турларини катта қизиқиш билан ўзлаштиряпти. Машғулотлардан ташқари, режа асосида уюштирилаётган мусобақалар эса улар ўртасида спортнинг техник ва амалий турларига бўлган қизиқишини оширмоқда, ёшларнинг ушбу спорт турлари бўйича малака ва маҳоратини оширишига омил вазифасини ўтамоқда. 

Жорий йилнинг ўтган даври мобайнида вилоят миқёсида спортнинг пневматик қуролдан ўқ отиш, ёзги биатлон, дуатлон, картинг турлари бўйича 13 та мусобақа ўтказилди. Уларда 600 нафарга яқин спортчининг иштироки таъминланди. Шунингдек, 134 та шаҳар ва туманлар ҳамда клуб биринчиликлари уюштирилди. Мазкур мусобақаларда 4000 нафардан зиёд ёш спортчи ўз маҳоратини намойиш этди.

Хоразмлик спортчилар Ўзбекистон чемпионати ва биринчиликларида ҳам муносиб иштирок этишмоқда. Жумладан, февраль ойида Термез шаҳрида уюштирилган мотопойга бўйича Ўзбекистон чемпионатининг биринчи босқичида  Максим Арипов ва Раҳматулла Раҳимов двигатель сиғими 750 сантиметр куб бўлган мотоцикллар пойгасида кумуш медални қўлга киритишди. Айнан ушбу жуфтлик апрель ойида Жиззах шаҳрида бўлиб ўтган чемпионатнинг финал қисмида ҳам иккинчи ўринни эгаллашди. 

Пневматик қуролдан ўқ отиш спорти секцияси аъзолари ҳам юқори  натижаларни қайд этишаётир. Хусусан, март ойининг бошида Бухорода ўтказилган Ўзбекистон кубогининг биринчи босқичида Шаҳноза Машарипова пневматик милтиқдан ўқ отиш йўналишида учинчи ўринни банд этди. У худди шундай натижага Андижон вилоятида ташкил этилган биринчиликда ҳам эришди. 

Триатлон бўйича вилоят терма жамоаси аъзоси Дилафруз Саидова 1997 йил ва ундан катта ёшдаги спортчилар орасида Ўзбекистон чемпиони номини қўлга киритди. Унинг жамоадоши Маҳлиёхон Худойберганова эса 2001-2003 йилда туғилганлар гуруҳида учинчи ўринга сазовор бўлди. Шунингдек, ёшлар орасида ёзги биатлон спорти бўйича Одамбой Раҳимов олтин ва бронза, дуатлон спорти бўйича Ҳасанбой Тангриберганов бронза медали соҳибига  соҳибига айланишди.

Айни дамда, пневматик милтиқдан ўқ отиш  усталари Олима Комилова, Шаҳноза Машарипова, пневматик тўппончадан ўқ отиш бўйича Мақсуда Керимова Ўзбекистон терма жамоаси аъзолари ҳисобланишади. Қолаверса, Олима Комилова 2020 йили Япония давлатининг Токио шаҳрида уюштириладиган ёзги Олимпиада ўйинлари учун рейтинг очколари берадиган халқаро мусобақаларда иштирок этаяпти.

- Бугунги кунда спортчиларимиз республикада етакчилардан ҳисобланишади, - деди ўқ отиш спорти бўйича Хоразм вилояти терма жамоаси бош мураббийи, халқаро тоифадаги ҳакам Руслан Жумабоев. - Шогирдларимиз мусобақаларда юқори ўринларни эгаллаб келишмоқда. Сара Сатипова, Азиза Исмоилова, Диёрбек Очилов, Нусратбек Сапарбоев сингари мерган ёшларимиз борки, улардан умидларимиз катта. Насиб қилса, бу спортчилар  орасидан нафақат мамлакат чемпионлари, халқаро мусобақалар ғолиб ва совриндорлари етишиб чиқади.

Икром ХУДОЙБЕРГАНОВ тайёрлади

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг