10 май 08:52
Янгиликлар

Гандбол

Ёшларимиз “Trophy” кубогининг Осиё босқичига йўл олишди

Мўғилистон пойтахти Улан-Батор шаҳрида гандбол бўйича ўсмир ва ёш қизлар ўртасида “Trophy” мусобақасининг Марказий Осиё босқичи давом этмоқда.

Барча ўйинларда ғалаба қозониб келаётган Ўзбекистон ва Туркманистон U-19 жамоалари ўзаро тўқнаш келишди. Мазкур беллашув юртдошларимизнинг 43:20 ҳисобидаги ғалабаси билан якунланди. Бу билан гандболчиларимиз мусобақанинг Осиё минтақаси босқичига йўл олишди.

Эслатиб ўтамиз, бир кун аввал ўсмирларимиз ҳам муддатидан аввал гуруҳ ғолиблигини қўлга киритиб, “Trophy” кубогининг Осиё босқичига йўл олишган эди. Бугун улар мусобақадаги сўнгги учрашувни қирғизистонлик тенгқурларига қарши ўтказишади.