“Ёшлик”да ёш баскетболчилар беллашди

Хоразм вилояти Жисмоний тарбия ва спорт бошқармасига қарашли Спорт ўйинлари ва енгил атлетикага ихтисослаштирилган болалар-ўсмирлар спорт мактаби (СЎЕАИБЎСМ) томонидан Ўзбекистон Республикаси Президентининг 2020 йил 30 октябрдаги “Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида”ги фармони ижросини таъминлаш, аҳолининг турли қатлами, хусусан, ёшларни жисмоний тарбия ва спортга кенг жалб қилиш мақсадида тегишли ишлар амалга оширилмоқда. 

Урганч шаҳридаги “Ёшлик” спорт мажмуаси манежида 8 декабрь -ЎзбекистонРеспубликаси Конституцияси кунига бағишлаб баскетбол бўйича ташкил этилган очиқ биринчилиr ҳам ана шу саъй-ҳаракатлар  самараси саналади. 

Мазкур мусобақада СЎЕАИБЎСМнинг “Дўстлик-1” жамоаси (мураббийи Ш.Бобожонов) ғолибликни қўлга киритди. Иккинчи ўринни Урганч тумани жамоаси (мураббийи С.Ҳасанова) эгаллаган бўлса, учинчи ўринни Хонқа тумани жамоаси (мураббийи А.Ражаббоев) банд этди.

Айни дамда мазкур маҳорат масканида қутлуғ айём муносабати билан спортнинг бошқа турлари бўйича ҳам мусобақалар ўтказилмоқда.

Икром ХУДОЙБЕРГАНОВ, Урганч шаҳридан