19 июл 15:03
Янгиликлар
Болалар спорти
“Ёз-2018”. Зангиота тумани ҳокими соврини учун мусобақалар ўтказилди
Қувноқ стартлар, енгил атлетика, дартс, армрестлинг, стол тенниси, сузиш, шашка ва футбол бўйича Тошкент вилояти Зангиота тумани ҳокими соврини учун мусобақалар ташкил этилди.
Ўзбекистон Республикаси Президентининг 2017 йил 3-июндаги "Жисмоний тарбия ва оммавий спортни янада ривожлантириш чора-тадбирлари тўғрисида"ги ПҚ-3031-сонли қарорини амалга ошириш мақсадида Зангиота тумани ҳокимлиги ҳамда 2-Болалар-ўсмирлар спорт мактаби томонидан "Ёз-2018" спорт мусобақаси ҳафталиги бўлиб ўтди.
Жумладан, дартс мусобақасида туманда яшовчи 50 нафарга яқин спортчи иштирок этди. Спорт мактабининг каратэ бўлими эса ушбу спорт тури бўйича ғолибликка эришди. Мактабнинг футбол бўлими иккинчи, енгил атлетикачилари эса учинчи ўринни банд этишди.
Ҳафталик якунида мусобақа ғолиб ва совриндорларига Зангиота тумани ҳокими томонидан таъсис этилган совғалар, шунингдек, медал ҳамда дипломлар тантанали равишда топширилди.
Ҳавола :
Манба : olamsport.com
Фикрлар