06 мар 09:30
Янгиликлар

Гимнастика

Ёзда 51 ёшга тўладиган Чусовитина Жаҳон Кубогининг финалига чиқди

Озарбайжон пойтахти Боку шаҳри мезбонлик қилаётган спорт гимнастикаси бўйича Жаҳон Кубогининг саралаш баҳслари бўлиб ўтди.

Аёллар ўртасидаги таяниб сакраш мусобақасида жаҳон спорти афсонаси Оксана Чусовитина ҳам муваффақиятли иштирок этди. Шу йил июнь ойида 51 ёшга тўладиган ҳамюртимиз 13.049 балл билан финал босқич йўлланмасини қўлга киритди.

Жами саккиз нафар иштирокчи финалга йўл олган. Оксана Чусовитина икки уриниш якунларига кўра учинчи натижа билан финал чиптасини қўлга киритди. Саралашда энг яхши натижани (13.549) россиялик Анна Калмикова қайд этди. Медаллар учун кечадиган финал баҳслари эртага бўлиб ўтади.