04 сен 08:13
Янгиликлар

Футбол

Ёзги транфер ойнасида рекорд даражада кўп трансфер амалга оширилди – ФИФА

Трансферлар сони бўйича янги рекорд ўрнатилган.

ФИФА ташкилоти ёзги трансферлар ойнаси якунлари бўйича баёнот эълон қилди. Эътиборга молик жиҳати, ушбу ёзда рекорд даражада кўп трансфер амалга оширилган – 11 минг. Бундай катта рақам тарихда илк бор қайд этилмоқда.

Эркаклар футболида 2024 йилнинг ёзида амалга оширилган трансферлар нархи 6.4 млрд доллардан ошди. Бу тарихда иккинчи натижа ҳисобланади. Бу борадаги рекорд ўтган ёзда қайд этилганди – 7.43 млрд доллар. Трансферларга ишлатилган пул бўйича Англия етакчилик қилган – 1.6 млрд доллардан кўпроқ.

Аёллар футболида 2024 йилнинг ёзида 1125 та трансфер қайд этилган. Бу ўтган йилги кўрсаткичдан 30% га кўпроқдир. Трансферларнинг умумий нархи эса 6.8 млн еврони ташкил этиб, рекорд ўрнатди.