24 июл 10:13
Янгиликлар

Дзюдо

Ёзги Универсиада ўйинлари. Дзюдочиларимиз илк кунги беллашувларда 2 та медаль қўлга киритишди + ФОТО

Германиянинг Рейн-Рур шаҳри мезбонлигида ўтаётган талаба-спортчилар ўртасидаги Бутунжаҳон ёзги Универсиада ўйинларининг дзюдо мусобақаси бошланди.

Дзюдо мусобақасида дунёнинг 57 давлатидан жами 367 нафар спортчи медаллар учун баҳс олиб бормоқда. Илк кунги беллашувларда Ўзбекистон терма жамоасининг 4 нафар дзюдочиси татамига чиққан бўлса, уларнинг тенг ярми шоҳсупага кўтарилди.

Лазиза Ҳайдарова (-48 кг) ва Шукуржон Аминова (-57 кг) Бутунжаҳон ёзги Универсиада ўйинларининг бронза медалига сазовор бўлишди. Ҳайдарова бронза медали учун кечган беллашувда польшалик Паулина Шляхтани, Аминова эса италиялик Жулия Карнани 25 сонияда таслим этди.