06 фев 20:18
Янгиликлар

Спорт курашлари

Юнон-рим курашчиларимиз Дукентда машғулот ўтказишяпти

Шу кунларда юнон-рим кураши бўйича Ўзбекистон катталар терма жамоаси пойтахт вилоятининг Дукент машғулот базасида жам бўлган.

Ушбу ўқув-машғулот йиғинида Исломжон Баҳромов, Елмурат Тасмурадов, Маҳмуд Бахшиллоев, Жалгасбай Бердимуратов, Далер Раҳматов сингари асосий таркиб курашчиларимиз билан бирга истеъдодли ёшлар ҳам машғулотларда тер тўкишяпти. Токио-2020 Олимпиадаси йўлланмасини қўлга киритиб улгурган Рустам Ассакалов (-87 кг) эртага терма жамоа йиғинига келиб қўшилади.

Маълумот учун, Дукентдаги йиғин юнон-рим курашчиларимиз учун 18-23 февраль кунлари Ҳиндистоннинг Нью-Дели шаҳрида спорт курашлари бўйича катталар ўртасида ўтказиладиган Осиё чемпионатига тайёргарлик вазифасини ўтаб беради. Йиғин доирасида спортчиларимиз жорий тиббий кўрикдан ҳам ўтишди.