19 фев 20:43
Янгиликлар

Спорт курашлари

Юнон-рим курашчиларимиз Осиё чемпионатида умумжамоа ҳисобида иккинчи бўлишди ФОТОГАЛЕРЕЯ

Ҳиндистоннинг Нью-Дели шаҳрида ўтказилаётган Осиё чемпионатининг иккинчи кунги беллашувларида 4 та медаль қўлга киритганимиз ҳақида хабар берган эдик.

Юнон-рим кураши баҳслари якунига кўра, Ўзбекистон терма жамоаси умумжамоа ҳисобида Эрондан сўнг иккинчи ўринни эгаллади. Ҳамюртларимиз 1 та олтин, 2 та кумуш ва 3 та бронза медалини қўлга киритишди. Кучли учликка Қозоғистон терма жамоаси якун ясаган.

Эътиборлиси, ўтган йилги Осиё ва жаҳон чемпионатларида ҳам Ўзбекистон терма жамоаси умумжамоа ҳисобида иккинчи ўринни банд этган эди.

Осиё чемпионати ғолиб ва совриндорлари:

Олтин медаль

-63 кг: Елмурат Тасмурадов

Кумуш медаль

-55 кг: Жасурбек Ортиқбоев

-67 кг: Маҳмуд Бахшиллоев

Бронза медаль

-60 кг: Исломжон Баҳромов

-82 кг: Жалгасбай Бердимуратов

-97 кг: Муҳаммадали Шамсиддинов