17 июл 10:31
Янгиликлар

Спорт курашлари

Юнон-рум курашчиларимиз Осиё чемпионатида умумжамоа ҳисобида иккинчи бўлишди + ФОТО

Теглар : Осиё чемпионати Юнон-рум кураши

Иорданиянинг Амман шаҳрида спорт курашлари бўйича U20 ёш тоифасидаги Осиё чемпионати давом этмоқда.

Айни пайтга келиб, юнон-рум кураши усталари ўртасидаги баҳслар якунланди. Ушбу йўналишда иштирок этган Ўзбекистон ёшлар терма жамоаси 4 та олтин, 2 та кумуш ва 2 та бронза медалларини жамғарди. Бу натижа эвазига умумжамоа ҳисобида Эрондан сўнг иккинчи ўринни эгалладик.

Ғолиб ва совриндорларимиз:

Олтин медаль:
-55 кг: Алишер Ғаниев
-63 кг: Ҳусниддин Олимбоев
-72 кг: Абдулло Алиев
-77 кг: Азимжон Соатуллаев

Кумуш медаль:
-67 кг: Илёсжон Абдиназаров
-97 кг: Дамирхон Раҳматов

Бронза медаль:
-60 кг: Қувончбек Яхшибоев
-87 кг: Абдуллоҳ Абдумуталибов