Юнон-рум курашчиларимиз халқаро ўқув-машғулот йиғинига киришишди

Курашчиларимиз 2 та олтин, 1 тадан кумуш ва бронза медалини қўлга киритишди. Исломжон Баҳромов (-60 кг) ва Жасурбек Ортиқбоев (-55 кг) олтин медалга эга чиқди. Илҳомжон Баҳромов (-55 кг) кумуш, Феруз Тўхтаев (-60 кг) бронза медалига сазовор бўлди.   

Бугундан эса Равшан Рўзиқулов мураббийлигидаги "классикларимиз" Хорватиянинг Пореч шаҳрида ташкил этилаётган халқаро ўқув-машғулот йиғинидаги иштирокларини бошлашди. Ушбу йиғинда 18 давлат терма жамоалари иштирок этаяпти. Жамоалар гуруҳларга бўлинган ҳолда ўйин турлари, гиламда кураш, бассейн, кросс ҳамда тренажёр залидаги машғулотларда биргаликда шуғулланишади. 

Юнон-рум курашчиларимиз А гуруҳида Украина, Хорватия, Швейцария, Франция ва Греция терма жамоалари билан ҳамкорликда машғулот ўтказишади. В гуруҳидан Финляндия, Норвегия, Швеция, Литва, Эстония, Чили, С гуруҳидан эса Польша, Италия, Молдова, Чехия, АҚШ ва Руминия терма жамоалари жой олган. 

Халқаро ўқув-машғулот йиғини 29 январга қадар давом этади.