19 июн 18:15
Янгиликлар

Спорт курашлари

Юнон-рум курашчимиз Шаҳзод Рўзиохунов Осиё чемпиони!

Теглар : Юнон-рум кураши Шаҳзод Рўзиохунов

Шу кунларда Қирғизистон пойтахти Бишкек шаҳри эркин, юнон-рум ва аёллар кураши бўйича ўсмирлар (U 17) ҳамда ёшлар (U 23) ўртасидаги Осиё чемпионатига мезбонлик қиляпти.

Айни дақиқаларда юнон-рум кураши бўйича финал беллашувлари ўтказилмоқда ва эътиборга молик жиҳати, ҳамюртимиз Шаҳзод Рўзиохунов Осиё чемпионлигини қўлга киритди. 45 кг вазн тоифасидаги юнон-рум курашчимиз ҳал қилувчи финал учрашувида эронлик Фарзад Балутакини сўнгги балл эвазига мағлуб этиб, олтин медалга эга чиқди.

Валижон Жонхўрозов ва Фарруҳ Усмоновнинг шогирди ҳисобланган Шаҳзод финалга қадар кореялик Хан Ужин (8-0), япониялик Тайга Кишида (6-0), қозоғистонлик Шингизхан Абдихалимовни таслим (3-2) эта олди. Фақат учинчи даврада финалдаги эронлик рақибига ютқазиб қўйганди. Олтин медаль учун кечган беллашувда ўша мағлубият аламини чиройли тарзда олишни уддалади.