Юнон-рум курашчимиз халқаро турнир финалига етиб борди

Мазкур мусобақада Осиё ва Европанинг маҳоратли курашчилари жаҳон рейтингининг қимматли очколари учун кураш олиб боришмоқда.

Ушбу мамлакатда ўқув-машғулот йиғинини ўтказган Ўзбекистон терма жамоаси вакиллари ҳам мазкур мусобақада иштирок этмоқда. Кеча ўтказилган биринчи кун беллашувлари натижасига кўра медаллар учун кураш олиб борадиган спортчиларимиз номи маълум бўлди.

Қувонарлиси, Ислом Баҳромов -63 кг. вазн тоифасида финалга етиб борди. Курашчимиз олтин медаль учун япониялик Шинобу Ота билан баҳс олиб боради. Баҳромов бунгача Ҳиндистон ва Хитой терма жамоасининг 2 курашчисини енгган. Шунингдек, -82 килограммда Билан Налгиев ҳамда Жалгасбай Бердимурадов, -97 килограмм вазн тоифасида курашаётган Жаҳонгир Турдиевда ва Маҳмуд Бахшуллоевда (-72 кг) бронза медали учун курашиш имконияти мавжуд.