Юнон-рум кураши. Терма жамоамиз Венгрияга жўнаб кетди

Терма жамоамиз делегацияси айни пайтда Москва шаҳрида бўлиб турибди. Спортчиларимиз Россия Федерацияси пойтахти орқали Венгриянинг Тата шаҳрига етиб боради. Айнан шу шаҳарда уч ҳафталик ўқув-машғулот йиғини ўтказилади. 

Мазкур йиғин терма жамоамиз аъзолари учун 25 октябрь куни пойтахт Будапешт шаҳрида старт оладиган жаҳон чемпионатига сўнгги тайёргарлик босқич вазифасини ўтаб беради. 

Таркибдан Илҳом Баҳромов (55 кг), Феруз Тўхтаев (60 кг), Элмурат Тасмурадов (63 кг), Мирзобек Раҳматов (67 кг), Арам Варданян (72 кг), Билан Наглиев (77 кг) Нурбек Хошимбеков (82 кг), Рустам Ассакалов (87 кг). 

Энг оғир (130 кг) вазндаги курашчимиз, Осиё ўйинлари ғолиби Мўминжон Абдуллаев кечроқ терма жамоа таркибига бориб қўшилади. Яқинда Мўминжоннинг никоҳ тўйи бўлиб ўтганди. Унга бахт тилаймиз. 

Терма жамоа мураббийлари - Равшан Рўзиқулов, Аслиддин Худойбердиев.