Юртимизда конкур бўйича «FEI World Jumping Challenge» мусобақаси ўтказилмоқда

Қоидага кўра ушбу «Чақириқ кубоги» Халқаро от спорти федерацияси томонидан танлаб олинган жаҳоннинг турли «спорт минтақалари»даги энг кучли чавандозлар иштирокида бўлиб ўтади. 

Мусобақа финалида йил давомида ўз лигаларида ғолиб ва совриндорлар қаторидан ўрин олган спортчилар қатнашадилар. Умумий қилиб айтадиган бўлсак, финалда 10 та минтақадан энг яхши 20 нафар спортчи иштирок этади.

Бу йилги баҳсларда 17 мамлакат вакиллари ўз омадини синаб кўрмоқда. Улар орасида ўзбекистонлик икки нафар чавандоз ҳам бор:

Саидамир Турғунбоев – 2017 йили Гонконгда ўтказилган Осиё чемпионатининг кумуш медали соҳиби.

Абдушукур Собиржонов – шу йил октябрь ойида Аргентинада бўлиб ўтадиган III ёзги ўсмирлар Олимпия ўйинлари лицензиясини қўлга киритган спортчимиз.

Мусобақаларнинг дастлабки куни чавандозлар конкурда 115 ва 120 см баландликдаги баҳсларда иштирок этишди. Саралаш конкуридан сўнг ҳамюртимиз, «БАБОС» от спорти клуби аъзоси Саидамир Турғунбоев ўзининг «Амбассадор» лақабли отида, хеч қандай жарима очколарисиз етакчилик қилмоқда.