"Ювентус" Мюллер эркин агентга айланганида уни сафига қўшиб олмоқчи

Нашрнинг ёзишича, Турин клуби раҳбарияти футболчининг шартномасини узайтириш билан боғлиқ вазиятни диққат билан кузатиб бормоқда. Мюллер янги шартнома имзолашдан бош тортса, "Юве" уни эркин агент сифатида қўлга киритишга ҳаракат қилади.

Олдинроқ германиялик футболчига "Милан" қизиқиш билдираётгани ҳақида хабарлар тарқалганди.

Мюллер бутун фаолияти давомида "Бавария"да ўйнаган. Унинг амалдаги шартномаси келаси ёзда якунига етади.

Футболчи жорий мавсум Бундеслигада 10 та ўйинда майдонга тушиб, 1 та гол урди ва 4 та голли пас узатди.