15 окт 08:06
Янгиликлар

Велоспорт

Забелинская Ўзбекистон учун илк олтин медални тақдим этди

Францияда профессионал велоспортчилар ўртасида «Chrono des Nations» халқаро турнири бўлиб ўтмоқда.

Мусобақада Ўзбекистон терма жамоаси аъзоси Ольга Забелинская ҳам иштирок этди. 26,5 километр масофага ўтказилган пойгада Забелинская барча рақибларини ортда қолдирди ва биринчи бўлиб маррага етиб борди. У 35 дақиқа 54 сония (ўртача тезлик 45 км/соат) натижа билан олтин медалга эга чиқди.

Ундан кейинги ўринни 12 сония кеч маррага кириб борган даниялик Эмма Йоргенсен эгаллади. Кучли учликка пешқадамдан 35 сония кеч қолган мезбон спортчи Оудри Кордон-Рагот якун ясади.

Қайд этиш лозимки, Забелинская ҳар йили ўтказиладиган ушбу мусобақада тўртинчи маротаба иштирок этди. Аммо, илк ғалабасини айнан шу мавсумда қўлга киритди.