Забит Магомедшариповнинг мураббийи: "Фаолиятни якунлаш? Биз энди бошлаймиз!"

Забитнинг мураббийи Мансур Учакаев россиялик ярим енгил вазн тоифаси жангиси атрофида тарқалган хабарларга муносабат билдирди.

"Биз кетишимизни ким айтди? Биз эндигина бошлаяпмиз", - дея Инстаграм саҳифасида Магомедшарипов билан биргаликда видео мурожаат қилган Учакаев.

Катта эҳтимол билан бу хабарнинг чиқишига Забитнинг UFC рейтингидан чиқарилгани сабаб бўлмоқда. Боз устига Магомедшариповнинг менежери Али Абдел-Азиз ҳам ESPN телеканалига берган интервьюсида унинг мизожи профессионал фаолиятини якунлаши мумкинлигини айтган эди.