08 ноя 15:56
Янгиликлар

Дзюдо

Зафар Арслонов Лас-Вегасдаги жаҳон чемпионатида ягона вакилимиз сифатида иштирок этди

АҚШ Невада штати Лас-Вегас шаҳрида фахрийлар ўртасидаги жаҳон чемпионати бўлиб ўтди.

Турли ёш тоифасида ўтказилган ушбу дунё биринчилигида ҳамюртимиз Зафар Арслонов ҳам иштирок этди. -100 кг вазнда татамига чиққан фахрий дзюдочимиз илк даврада қозоғистонлик Ирискул Бабаханов, иккинчи босқичда украиналик Игорь Лобазни мағлубиятга учратди. Чорак финалда эса грузиялик Ломери Жоржолианига имкониятни бой бериб қўйди.

Зафар Арслонов бронза медали йўлидаги бир нечта босқичдан иборат ўтиш беллашувларида ўз омадини синаб кўрди. У франциялик Седрик Лемар, америкалик Бен Хлифадан устун келди. Аммо бронза медали учун кечган баҳсда италиялик Томас Тандоига ютқазиб, кучли бешликдан жой олди. Ушбу вазн тоифасида франциялик Людовик Гоберт жаҳон чемпионига айланди.