06 сен 20:43
Янгиликлар

Бошқалар

Зафарбек “Байкал кубоги”ни қўлга киритди

Россия Федерациясининг Иркутск шаҳрида жанговар самбо бўйича ҳалқаро “Байкал кубоги” бўлиб ўтди.

Ушбу нуфузли мусобақада 16 мамлакатдан 100 нафардан ортиқ спортчи иштирок этди.

“Меҳнат” спорт саройида бўлиб ўтган нуфузли турнирда Беларусь, Германия, Исроил, Қозоғистон, Канада, Қирғизистон, Мўғулистон, Нигер, Россия, Тожикистон, Ўзбекистон, Филиппин, Франция, Хорватия, Чехия ва Жанубий Кореянинг энг кучли самбочилари жам бўлди.

Қувонарлиси, юртимиз шарафини ҳимоя қилган хоразмлик спортчи Зафарбек Аллаберганов 68 кг вазн тоифасида Германия, Жанубий Корея, Исроил ва финалда мезбон россиялик спортчиларни мағлуб этиб, якунда мусобақанинг олтин медали соҳиби бўлди.