Замонавий бешкураш бўйича жаҳон чемпионатининг янги муддати маълум

Замонавий бешкураш бўйича жаҳон биринчилиги “Токио-2020” учун лицензияни қўлга киритиш имконини берадиган турнирлар рўйхатидан ўрин олди.

Замонавий бешкураш бўйича Олимпиададан аввал режа қилинган барча халқаро мусобақалар 2021 йилнинг 24 мартидан 13 июнгача ўтказиладиган бўлди.

Янги тавқимга кўра, замонавий бешкураш бўйича жаҳон чемпионати 2021 йил 7-13 июнь кунлари Беларусь пойтахти Минск шаҳрида бўлиб ўтади. Аввал эълон қилинганидек, замонавий бешкураш бўйича дунё биринчилиги “Токио-2020” учун лицензия ёки саралашда ҳисобга олинадиган рейтинг очколарини қўлга киритиш имконини берадиган якунловчи мусобақа бўлади.

Квалификация мусобақаларига, шунингдек Жаҳон кубоги босқичлари ҳам киритилди. 

Улар қуйидаги муддатларда ўтказилади:

– Будапештдаги Жаҳон кубоги босқичи (24-28 март);
– Софиядаги Жаҳон кубоги босқичи (7-11 апрель);
– Софидаги Жаҳон кубоги босқичи (иккинчи старт, 15-18 апрель);
– Сеулдаги Жаҳон кубогининг финал босқичи (13-16 май)