05 апр 11:32
Янгиликлар

Замонавий бешкураш

Замонавий бешкураш бўйича мураббийларимиз халқаро сертификат олишди

Халқаро замонавий бешкураш иттифоқи (UIPM ) ва Ўзбекистон замонавий бешкураш федерацияси ҳамкорлигида мураббийлар учун профессионал сертификат берувчи ўқув курслари ташкил этилди.

Унда Тошкент шаҳри, Қорақалпоғистон Республикаси, Андижон, Қашқадарё, Навоий, Самарқанд, Сурхондарё ва Тошкент вилоятларидан жами 17 нафар мураббий иштирок этди.

Ўқув режага кўра дарслар 14 та назарий ва 4 та амалий машғулотлардан иборат бўлди. Дарсларни Молдова замонавий бешкураш федерацияси президенти, фахрийлар ўртасида жаҳон чемпиони, 4-даражадаги UIPM мураббийи Александр Василианов олиб борди.

Якуний имтиҳондан сўнг 17 нафар мураббийдан 10 таси профессионал сертификатга эга бўлди. Тақдирлаш маросимида Ўзбекистон замонавий бешкураш федерацияси раиси Баҳромжон Газиев иштирок этди ва мураббийларимизни эришилган янги марра билан қутлаб ўтди.