03 апр 08:26
Янгиликлар

Замонавий бешкураш

Замонавий бешкураш бўйича Ўзбекистон терма жамоаси Қирғизистонга жўнаб кетди

Замонавий бешкураш бўйича Ўзбекистон терма жамоаси ўқув-машғулот йиғинини ўтказиш учун Қирғизистонга йўл олди.

Иссиқкўл шаҳрида ташкил этиладиган машғулотлар 22 апрелга қадар давом этади. Йиғин халқаро мақомда ўтиб, унда Россия, Қозоғистон, Қирғизистон, Беларусь терма жамоалари ҳам иштирок этади.

Қайд этиш жоиз, бу орқали терма жамоа мураббийлар штаби Ханчжоу-2022 Осиё ўйинлари учун тайёрланаётган таркибни яна бир карра кўздан кечириб олади.