20 сен 12:33
Янгиликлар
Осиё ўйинлари, Замонавий бешкураш
Замонавий бешкураш. Спортчиларимиз Осиё ўйинларида қиличбозлик баҳсларини якунлашди
Ханчжоуда Осиё ўйинлари бошланди.
Бугун замонавий бешкураш бўйича беллашувлар ҳам старт олди. Ушбу йўналишда аёллар ўртасидаги баҳсларда Ўзбекистон терма жамоаси шарафини Алисе Фахрутдинова ва Самира Абзалова ҳимоя қилмоқда. Ҳозирча бешкурашда қиличбозлик баҳслари ўз якунига етди.
Унга кўра, Фахрутдинова 240 очко билан тўртинчи, Абзалова эса 175 очко билан 16-ўринни банд этди. Баҳсларда 19 нафар спортчи иштирок этмоқда.
Энди спортчиларимиз қиличбозлик бўйича яна бир марта, шунингдек от спорти, сузиш ва ўқ отиш баҳсларида иштирок этишади.
Мазкур мусобақалар якунига кўра энг кўп очко тўплаган уч нафар спортчи медалларга сазовор бўлади.
Бугун шунингдек эркаклар ўртасидаги баҳсларда ҳам ҳамюртларимиз Дониёр Раҳимов ва Садриддин Қобилжонов иштирок этмоқда.
Ҳавола :
Манба : olamsport.com
Фикрлар