Зайнаб Дайибекова: "Ҳали ҳам ўзимга кела олмаяпман"

Зайнаб Дайибекова Париж Олимпиадасида сабля дастурида иштирок этди ва биринчи босқичда Токио-2020 Олимпиадаси совриндорига қарши баҳс олиб бориб, кичик ҳисобда мағлуб бўлди.

"Аҳволимни қандай тушунтиришни билмайман. Ҳали ҳам ўзимга кела олмаяпман, ҳафсалам пир бўлди, қалбим жуда оғрияпти. Мен ўзимдан яхши натижа кутгандим ва биламан, мураббийим, онам, президентимиз, раҳбариятимиз ва сиз мендан олтин медал кутгансиз, лекин мен ғалаба қозона олмадим, шундай бўлганидан жуда хафаман. Мени қўллаб-қувватлаган ва ишонганларга катта раҳмат айтмоқчиман. Лекин бу охири эмас, ҳаёт давом этмоқда! Мен ҳеч қачон, ҳеч қачон таслим бўлмайман! Биз сиз билан яна ҳам кучлироқ бўламиз. Барчангизни яхши кўраман ва қўллаб-қувватлаганингиз учун миннатдорман", деб ёзди Дайибекова.