06 мар 08:58
Янгиликлар
Футбол
Зинедин Зидан: “Неймарнинг йўқлиги “Реал”ни кучайтирмайди”
Мадриднинг “Реал” клуби бош мураббийи Зинедин Зидан “ПСЖ”га қарши бўлиб ўтадиган ЕЧЛ 1/8 финали доирасидаги жавоб ўйини олдидан ўз фикрлари билан ўртоқлашди.
“Биз Париждамиз, мен эса Марсель шаҳриданман. Францияга қайтиш ҳамиша мен учун катта хурсандчилик бўлган. Лекин мен ҳозир эҳтиросларни бир четга суриб қўйиб, бор эътибримни ўйинга қаратганман. Ўйин 90 дақиқа, балки ундан ҳам кўпроқ давом этар. Ҳамма нарсага тайёр туришимиз керак.
Неймарнинг йўқлиги ўйинга ҳеч қандай таъсир ўтказмайди. “ПСЖ”ни кучсизлантириб, аксинча “Реал”ни фаворитга айлантирмайди. Унинг ўрнига майдонга тушадиган футболчи ўзини кўрсатиб қолиш учун ҳаракат қилади ва бундай ўйинчилар жуда хавфли бўлишади”, — деди Зидан УЕФА расмий сайтига берган интервьюсида.
Ҳавола :
Фикрлар